عسى بفستانها اشواك وبثوبه عقارب سود ونار تحرق الكوشة وتحرق بيتهم كله

    شاطر

    زهرة نيسان

    ¤° صاحبة الفكر الراقي °¤<


    انثى عدد الرسائل : 80
    الموقع : المدينة المنورة
    مزاجك اليوم :
    تاريخ التسجيل : 15/07/2008

    عسى بفستانها اشواك وبثوبه عقارب سود ونار تحرق الكوشة وتحرق بيتهم كله

    مُساهمة من طرف زهرة نيسان في الثلاثاء أغسطس 05, 2008 5:58 pm


    ثلاث سنين انا اخطط لهذا اليوم يا بو سعود
    تيسّر حالي و جاهز اوفّي وعدي بوقته

    و فجأه جتني تتعذر .. تقول تأخَرَت لوعود
    و انا مستغرب و اسمع كأني وعدها خنته !!

    حسبت انها تمازحني و تتصنع جفا و صدود
    ضحكت بوجهها من قلب.. مع انْها بايخه النكته

    و قالت ارضى بالواقع .. قلبي ماهو المعهود
    تغير كل شي صوبك .. نصيبي ما اظن انته !!

    كنت ف يوم محبوبي و لكن ما اظن نعود
    وصل من قبل ما توصل .. و انا ذاك الصبر عفته

    و لكن تكفى صدقني و يشهد ربي المعبود
    ترى ما خنتك بغفله .. ولا كلمته و شفته

    صراحه اهلي قالوا لي بأنه ولد اصل و جود
    و جتني امه بالصوره .. و بكلمات المدح اخته

    سكت و قلت هي فرصه مدام الجود في الموجود
    و قالوا كل من حولي علامات الرضا سكته

    و انا فكرت دام امه و اخته ما عليهم زود
    اكيد اني براضيهم اذا وافقت و اخترته

    و اراضي اهلي و اخواني مدام ان الفرح مقصود
    عطيت الناس انا كلمه ومعاهم وقتي حددته

    و لا اقدر اغيرها .. ترى عند العرب منقود
    اوافق و اعتذر باجر و اقول الراي غيرته !

    تبي تشرح لي المنقود .. تصدق عاد يا بو سعود؟
    تبيني اقتنع و ارضى بحال ٍ عمري ما عشته

    انا ماني بقايلها .. عسى يفرش ثراها ورود
    بعد ما حطمت قلبي و طعم الموت جربته

    عسى بفستانها اشواك .. و في ثوبه عقارب سود
    و نار ٍ تحرق الكوشه و تحرق بيتهم حتى

    عسى قاع الثرى يقسى و يتحول صخر جلمود
    و حفار القبر يرفض يسوي فوق مقدرته

    ترى دفنة عديم الذات تلوع حتى كبد الدود
    و من خان العهود و مات تعافه حتى مقبرته

    عسى ربي يجازيهم بحبل ٍ من مسد ممدود
    يعلقهم من اطرافه و فوقه نار ٍ و تحته

    انا ماني حقود و شين ولاني من نسل نمرود
    ومن حط نفسه بوضعي بيقول اللي انا قلته

    مدام الفعل له ردة فعل والله ابشري بردود
    بدعي دامني حي ٍ و بغرس للدعا نبته

    و بسقيها نزيف القلب و دمع ٍ ما رحم لخدود
    و تكبر و الثمر ثاري من اللي خانني و صنته

    انا نذرٍ علي اكتب و افجر هالقصيد رعود
    و اسمّع كل بشر صوتي عجبته ولا زعلته

    و اردد للي يسمعني .. اذا حبيت ( حط حدود )
    انا حبيت دون حدود و شوف اللي تكبدته

    ثلاث سنين انا ابني و جت ( صوره ) بكل برود
    خذت مني شقى عمري و حلم ٍ ( قلت ) حققته !!!

    ثلاث سنين انا اخطط لهذا اليوم يا بو سعود
    وتوافق من كلام اخته .. و صوره ( 4 ف 6 )
    avatar
    p!nk cat
    المشرفه العامه

    انثى عدد الرسائل : 1288
    الموقع : رياض العز
    العمل/الترفيه : مبسوووطه لان عندي احلى اخوات
    طومحاتي : ان يتحقق ما اتمنى
    مزاجك اليوم :
    تاريخ التسجيل : 30/06/2008

    بطاقة الشخصية
    الالى الخمس:
    1/1  (1/1)

    رد: عسى بفستانها اشواك وبثوبه عقارب سود ونار تحرق الكوشة وتحرق بيتهم كله

    مُساهمة من طرف p!nk cat في الثلاثاء أغسطس 05, 2008 11:47 pm

    قصيده قويه من قصايد الخيانه
    حسيتها طالعه من قلب
    تسلمين زهرة نيسان

      الوقت/التاريخ الآن هو الثلاثاء يناير 22, 2019 6:11 pm