يابـــدويه

    شاطر
    avatar
    p!nk cat
    المشرفه العامه

    انثى عدد الرسائل : 1288
    الموقع : رياض العز
    العمل/الترفيه : مبسوووطه لان عندي احلى اخوات
    طومحاتي : ان يتحقق ما اتمنى
    مزاجك اليوم :
    تاريخ التسجيل : 30/06/2008

    بطاقة الشخصية
    الالى الخمس:
    1/1  (1/1)

    يابـــدويه

    مُساهمة من طرف p!nk cat في الخميس ديسمبر 25, 2008 12:20 am


    قالـت الله لايهينـك انـت خابرنـي بـدويـه
    ما احب الي يمسمس غترته ويزبط عقالـه
    انـا ودي ببدويـاً تمـشـي بـدمـه حمـيـه
    لا تعـزوا بالقبيلـه كلهـم صـارو عيالـه
    البدو غالين عندي لـو حصـل منهـم خطيـه
    الولد فيهم يسـاوي شيـخ بجاهـه ومالـه
    قلـت انـا انعـم واكـرم ماكذبتـي يجوديـه
    سجل التاريخ عنهم من بطوله ومن جمالـه
    لاكــن الله لايهيـنـك لاتناسـيـن البقـيـه
    الحضر رجالهم ياوسع صدره وطول بالـه
    وفالمواقـف انشدينـي مايتخلـى عـن خويـه
    لافزع معاد يدري مـن وراه ومـن قبالـه
    وضيفهـم يبشـر بعـزه والوفـا والمقـدريـه
    كل واحد يسبق الثاني ولا نـدري بحالـه
    قالت اكبر عيـب فينـي يالحضـر النرجسيـه
    ما اظن احـد بيغنينـي بطبعـه او جمالـه
    انـا احـب الـي زهابـه حاجتيـن وبندقيـه
    يفتخر بالذود ويسرح كل يوم فـي حلالـه
    وان لفاه الضيف شاف الفرق شاف الناس حيـه
    ابدوي صوت نجره اطرب الطرقي وعناله
    قلت انا ليه اختلقتـي فـرق وسويتـي قضيـه
    الكبر لله والمؤمن ضعيـف بـراس مالـه
    يابدويـه الجـروح الـي مـن اسبابـك نديـه
    والخفوق الي تحرى جيتـك يامـا جرالـه
    والعيون الـي تمنـت جيتـك صـارت شقيـه
    والفراق الي بلـى ذنـب يذبحنـي لحالـه
    قالـت الله لايعاقبنـي وانــا بـنـت بـريـه
    من السوالف كلها والحب وين الـي وفالـه
    يـاولـد لاتحسبـنـي جاهـلـه ولا غبـيـه
    الهواء ماهو كذا والحب انا مابـي مجالـه
    انا اخوي لاقال اخو فلانه عرفت انـي بدويـه
    تجتمع روس العرب له من يمين ومن شماله

    قصـيـده لشـاعـر : بـنــدر الـرشــود


    _________________
    \

      الوقت/التاريخ الآن هو الثلاثاء يناير 22, 2019 6:31 pm