الرئيسية
+مدري (تفو) هي مدح وإلاشتيمه+
البارحة جاني من الحب مرسال
من عقب مابيني وبينه خصيمه
وأنا ترا في الحب مانيب فعال
ولابعد ولع بقلبي هشيمه
ولابعد غنيت في ساعة وصال
ولابعد ذقت الفراق وجحيمه
ولاجرى دمعي على الخد همال
ولابعد جربت مر الهزيمه
حتى وردني تالي الليل جوال
وأنا على شاهي وبسكوت ديمه
الرقم بايخ لكن الصوت قتال
كنه مثل صوت المذيعه حليمه
قالت:مساءالخير ياطيب الفال
قلت:أرحبي ترحيبة مستديمه
بالعود والصفري ودله وفنجال
واجبك يابنت الأصول الكريمه
ردت بضحكة ثم قالت:وش الحال
قلت:أشهد ان الحال عقبك سقيمه
قالت وهي تضحك بعد مثل الأطفال:
وأنا بعد كني بدونك يتيمه
من يوم قالتها تزلزلت زلزال
من فجعتي كني مسوي جريمه
قلت ارفعي صوتك ترى مابه ارسال
كذاب لكن المصيبه عظيمه
قالت:أقول اسمع ترى هرجنا طال
ممكن تصاحبني تراني وسيمه
واسمي الحقيقي أول حروفه الدال
لكن يسموني البنات الزعيمه
صحيح أحب الفخفخه وأعشق المال
لكن تراني طاهرة مستقيمه
ماعندي امغازل ولالعب (يهال)
ماعندي إلآ الشرف والحشيمه
بس الصراحه قلبي لشوفتك مال
واصبحت وحدك جالس في صميمه
فكر بعقلك واترك القيل والقال
واحذر تطيع أهل العقول العقيمه
وارسل علي الحين خمسمية ريال
أشحن بها جوال اختي غنيمه
أو طقم غالي فيه خاتم وسلسال
أروح به في عرس وإلا عزيمه
قلت الحقيقه مانيب رجل أعمال
ولاني بتاجر والموارد عديمه
أنا الصراحه شبه عطال بطال
وعلاقتي بالفقر جدآ حميمه
والراتب الله يرحم الحال مازال
محدود والمصروف ربي عليمه
والدين بالآلآف والبنك شغال
يأكل فلوسي بالربا والظليمه
والسوق طايح والغلا ضيق البال
والموت والله صاير أكبر غنيمه
قالت تحمل بس والحمل ينشال
أهم شي إن النوايا سليمه
لابد تفهمني على كل الأحوال
مادمت من أهل العقول الفهيمه
قلت:إيه والله فاهمه اللي على البال
لكن ترى هذي علينا قديمه
يابنت هذا صاير اليوم موال
للي تبي تلعب على ابن اللئيمة
يابنت ماتدرين كم فيه محتال
يلعب على الحبلين وأنتي غشيمه
يابنت كم من جاهله دمعها سال
من عقب ماجت العواقب وخيمه
والبنت لاأقفى عرضها بيد الأنذال
والله مايبقى لها أي قيمه
قالت:تبي وإلآ فخلك على جال
ماهوب ناقصني نصايح حكيمه
عز الله انك للأسف منت رجال
وإنك قليل الذوق مافيك شيمه
يالعنبو من يسطرك بنعال
حتى يعلمك الغزل يابهيمه
(تفو عليك) وصكت الخط في الحال
مدري (تفو) هي مدح وإلا شتيمه
منقول
البارحة جاني من الحب مرسال
من عقب مابيني وبينه خصيمه
وأنا ترا في الحب مانيب فعال
ولابعد ولع بقلبي هشيمه
ولابعد غنيت في ساعة وصال
ولابعد ذقت الفراق وجحيمه
ولاجرى دمعي على الخد همال
ولابعد جربت مر الهزيمه
حتى وردني تالي الليل جوال
وأنا على شاهي وبسكوت ديمه
الرقم بايخ لكن الصوت قتال
كنه مثل صوت المذيعه حليمه
قالت:مساءالخير ياطيب الفال
قلت:أرحبي ترحيبة مستديمه
بالعود والصفري ودله وفنجال
واجبك يابنت الأصول الكريمه
ردت بضحكة ثم قالت:وش الحال
قلت:أشهد ان الحال عقبك سقيمه
قالت وهي تضحك بعد مثل الأطفال:
وأنا بعد كني بدونك يتيمه
من يوم قالتها تزلزلت زلزال
من فجعتي كني مسوي جريمه
قلت ارفعي صوتك ترى مابه ارسال
كذاب لكن المصيبه عظيمه
قالت:أقول اسمع ترى هرجنا طال
ممكن تصاحبني تراني وسيمه
واسمي الحقيقي أول حروفه الدال
لكن يسموني البنات الزعيمه
صحيح أحب الفخفخه وأعشق المال
لكن تراني طاهرة مستقيمه
ماعندي امغازل ولالعب (يهال)
ماعندي إلآ الشرف والحشيمه
بس الصراحه قلبي لشوفتك مال
واصبحت وحدك جالس في صميمه
فكر بعقلك واترك القيل والقال
واحذر تطيع أهل العقول العقيمه
وارسل علي الحين خمسمية ريال
أشحن بها جوال اختي غنيمه
أو طقم غالي فيه خاتم وسلسال
أروح به في عرس وإلا عزيمه
قلت الحقيقه مانيب رجل أعمال
ولاني بتاجر والموارد عديمه
أنا الصراحه شبه عطال بطال
وعلاقتي بالفقر جدآ حميمه
والراتب الله يرحم الحال مازال
محدود والمصروف ربي عليمه
والدين بالآلآف والبنك شغال
يأكل فلوسي بالربا والظليمه
والسوق طايح والغلا ضيق البال
والموت والله صاير أكبر غنيمه
قالت تحمل بس والحمل ينشال
أهم شي إن النوايا سليمه
لابد تفهمني على كل الأحوال
مادمت من أهل العقول الفهيمه
قلت:إيه والله فاهمه اللي على البال
لكن ترى هذي علينا قديمه
يابنت هذا صاير اليوم موال
للي تبي تلعب على ابن اللئيمة
يابنت ماتدرين كم فيه محتال
يلعب على الحبلين وأنتي غشيمه
يابنت كم من جاهله دمعها سال
من عقب ماجت العواقب وخيمه
والبنت لاأقفى عرضها بيد الأنذال
والله مايبقى لها أي قيمه
قالت:تبي وإلآ فخلك على جال
ماهوب ناقصني نصايح حكيمه
عز الله انك للأسف منت رجال
وإنك قليل الذوق مافيك شيمه
يالعنبو من يسطرك بنعال
حتى يعلمك الغزل يابهيمه
(تفو عليك) وصكت الخط في الحال
مدري (تفو) هي مدح وإلا شتيمه
منقول
